Meni aşyk etdiň saçlary örüm,
Ýylgyryp eýeläp ýüregmiň törün,
Häzire çen özüm aýyplap ýörün,
Şol gün gül jemalyň görenim üçin.

Ukusyz gijäme bolduň sen sebäp,
Şirin duýgulaňdan bilmedim sowap,
Söýýänem diýeňok ýüregiň awap,
Yzyňda ellerim serenim üçin.

Ýagşy güni arzuw isleg etjek men,
Razy diý toýmuzam gyssag etjek men,
Ýüregmiň törüne tussag etjek men,
Birugsat kalbyma gireniň üçin.

Walla senden ajap gözel görmedim,
Şoň üçinem özgä gujak germedim,
Ýanyňdan gitmäge rugsat bermediň,
Sagatlap garaşyp duranym üçin.

Söýýän bolsaň aýdaý senem çekinmän,
Hak söýgümden asla yza çekinmen,
Taňrym taýsyz bagt berdi çakymdan,
Sen gyza ýüregim berenim üçin.

Süleýman Tekäýew

File engine/modules/thanks.php not found.