Senden özge gözellerem kän weli,
Hemmäňem sen aýa ýetenok eli,
Ýüregimiň saýlap söýen ter güli,
Seniň sadalygňy söýýän söýgülim.

Gözlerimde görgün söýgüň uçgunyn,
Ölçerip gör kalba salan göçgüniň,
Elleriňden yşk şerbetin içgenim,
Seniň sadalygňy söýýän söýgülim.

Sözleriňde, gözleriňde jady bar,
Ümmülmez ol ne başy ne ardy bar,
Seniň ýaly serbi boýly nirde bar,
Seniň sadalygňy söýýän söýgülim.

Ýadymdan çykmaz ol sen duşan sene,
Bileje şol güni ýatlaýas ýene,
Garaşýan bagtymyz açyljak güne,
Seniň sadalygňy söýýän söýgülim.

Hereketiň häsiýetiň edaly,
Bolsa bolsun goý söýgümiz pidaly,
Oda ýakma sen diýp saýran şeýdaňy,
Seniň sadalygňy söýýän söýgülim.

Süleýmanda saňa söýgü tükenmez,
Çeper elleň asla işden çekinmez,
Seni gelnim diýen ene ökünmez,
Seniň sadalygňy söýýän söýgülim.

Süleýman Tekäýew

File engine/modules/thanks.php not found.