Galdym sen diýp, perýada,
Yşk atly bir derýada,
Hak, ýetirsin myrada,
Etdiň diwana Soltan.

Adyň ýazyp alyma,
Aldym galam goluma,
Kalbyň, saýlan ýoluna,
Boldum rowana Soltan.

Bagt bagynda gözlegim,
Ýolda goýma gözlerim,
Her bir sözlän sözleriň,
Dermandyr jana Soltan.

Joşup ýazdym gazaly,
Sen gözelleň gözeli,
Garaşýar yşk güzeri,
Çyksaň seýrana Soltan.

Girip köňül köşgüme,
Saldyň, söýgiň yşgyna,
Züleýhadeý, keşbiňe,
Galdym haýrana Soltan.

Görüp seni düýşümde,
Söýgüm aýtdym duşamda,
Kebelekdeý, daşyňda,
Boldum perwana Soltan,

Duşduň hakyt wagtynda,
Ornuň bar kalp, tagtynda,
Ömrüň, süýji bagtyndan,
Goýma armana Soltan.

Süleýman Tekäýew

File engine/modules/thanks.php not found.