Adamzat dünýägaraýyşy, gözýetimi we bilimi boýunça ullakan iki
topara bölünýär.
Birinji topar hakykata uýýan, oňa ynanýan we öz durmuşyny hakykata
ynanyp gurnamana ymtylýan topar.
Ikinji topar bolsa hakykata ynanmaýar. Hakykat ýok diýýär.
Düşünjesi, ynanjy, bilimi hakykata ynanmaýan adam iň soňunda
ýalana ynanmaly bolýar we biperwaýlyga ýüz urýar.
Iki topar hem ýaşaýyşa ymtylýar. Durmuşda öz ornuny gözleýär.
Öz ornuny gözleýän hakykatçylar öz maksadyna ýetmek üçin özi ýaly
hakykatçylaryň kömeginden peýdalanmaly bolýar. Şonuň
ýalyda ýalançylar özi ýaly ýalançyny gören wagty begenýärler. Emma
bu isleg hemişe amala aşmaýar.
Mysal üçin, hakykaty söýýän bir ýigit gaz edara işe girmeli boldy
diýeli. Gaz edaranyň başlygy bolsa ýalany özüne ýol-ýörelge edip
alan. Dünýägaraýyşy dürli bolan bu ikisi özara oňuşmaz. Hakykaty
ýigrenýän edara başlygy bu ýigidi işe alasy gelmez. Şol sebapli
ol bir bahana tapmaly. Ýagny ol oňa iş ýok diýer edarada iş
oruny bar bolsada.
Işe girmekçi bolýan ýigide araçy duş gelýär. Ol ýigide edarada iş
bardgyny emma işe girjek bolsa para bermelidigini aýydýar. Ol
gaz edaranyň başlygyny tanaýar.Onuň gowşak ýerini bilýär.Ýigit
alaçsyz ýagdaýa düşýär.Ýalançylar köplük we güýçli.Gaz edara elbetde
güýçli edara.Muny siz hem diýersiňiz. Hakykatçy bolan ýigit işe
girmek üçin hakykatçylaryň kömeginden peýdalanmaly bolýar. Oňa
kömek edenler bolsa ol işe girer. Emma asly ýalançylardan bolan
gaz edaranyň başlygy aňsatlyk bilen utylmaz. Ýigidiň güýji ýetse
ne ýagşy ýogsa ol tanyşyň üsti bilen para berip bu edara işe girer.
Adamlaryň hakykata ynanmagy üçin hakykat hemişe diýen ýaly
ýalany ýeňmeli. Ýogsa adamlar hakykatdan ýüz öwürerler.
Bu ýerde hem şeýle bolar. Ýigit öz güýji bilen işe girip
bilmese para berer we ýalançylar tarapa geçer. Bu ýigit üçin
katastrofa. Biziň üçinem. Biz hakykata ynanýardyk. Hakykat
bolsa ejiz geldi.

Bu ýerde tanyş iki tarapy yalaşdyryjy adam.
Araçy ýagny tanyş ýigidiň arzyny edara başlygyna ýetirende ýigit
onuň ýalany bilen yalaşjakdygyny aýydýar. Emma bu ýeterlik däl.
Ol ýigidi öz derejesine çenli düşürmeli. Çünki hakykatçy ýigit
hakykaty aýdyp bilmezligi üçin ony özüne para bermäne mejbur edýär.
Para beren ýigit indi işe girmek üçin öz ynamy bolan hakykatdan ýüz
öwürýär. Bu eýýäm katastrofa. Hakykat alaçsyz yza çekildi. Bir
hakykatçy ýalança öwrüldi. Bu bolan ýagdaýyň näme bilen
gutarjagy belli däl. Belki indiki boljak wakalar başlyk
üçin katastrofa bolup hakykatyň ýene üstün çykmagy mümkin. Emma
bu hili ýagdaý gaty az bolýar. Ýalançylar örän şermende, uýatsyz,
açgöz, hatda jenaýatçy bolany üçin hakykatçylaryň üstünden ýeňiş
gazanýarlar. Olar jebisleşip hakykatçylary durmuşyň
dolandyryş ulgamyndan gysyp çykarýarlar. Şeýdip ýaşaýyş
serişdesiniň aglaba bölegi ýalançylaryň eline geçýär. Indi
hakykatçylar ýeňildi. Olaryň sany ep-esli azalyp galýar.