Şu gün men roman ýazjakdym,
Seň gidişiň şanyna.
Şu gün men ýaram ýazjakdym,
Dönmezim ýaly ýanyňa.

Göwnüm çökgün, surat çekdim,
Ol adam-a meňzemedi.
Ýüregime käýejekdim,
Dözmedim wah ol şonsuzam,
Sen gideňde seňseledi.
Ýaňsylady çyn söýgüni,
Üstünden güldi birsalym,
Soňundanam birden dymyp,
Ýaraýjak boldy gursagym.

Duýdansyz gaçýan gözýaşlar
Dert berdi, emi bolmaýan.
Neçüýn sen gitdiň diýsene...
Oňmaýar, kalbym oňmaýar.

Belki-de gowsy bolandyr,
Mundan beter ýanyp bilmen.
Hut şu gün roman ýazjakdym...
Neçüýn sessizje otyryn,
Ýeke setir ýazyp bilmän.

07.01.2024ý.  17:50.  Aşgabat

Uzuk NOWRUZOWA

File engine/modules/thanks.php not found.