"Beýle kimkä diýip pikirlenerdim,
Şo-ol kakamyñ öwýän "iliñ çagasy".
Bäş wagtyna namaz okaýan eken,
Goñşymyz Myradyñ naskeş agasy.

"Beýle kimkä diýip pikirlenerdim,
Şo-ol ejemiñ öwýän "iliñ çagasy".
Obamyzda ar-namysly Almagül,
Başga ýerde on oglanyñ balasy.

Olar-şerbet eken,men bolsa erbet,
Olar- gül bolupdyr,men bolsa tiken.
Olar-kislaroda baý agaç bolsa,
Men-saman ekenim,çöl ýerde biten.

Şeýdip öýdäkileñ beren badyndan,
Içimdäki hyjuwlam oýanypdyr.
Esseläp köpelýän zähmetim bilen,
Aklym öñküsinden has goýalypdyr.

Bir üstünlik bilen guwandyrýançam,
Şolar bilen asla deñ tutulmadym.
Ýöne beýgelsem-de,ýere düşsem-de,
Iliñ çagasyndan kem tutulmadym.


Awtor: Durdygylyç Ýarjanow.

File engine/modules/thanks.php not found.