Täleýimiň kyn sowaly —
Tapmadym çözgüdin, uýam.
Agtaryp berdiň jogabyn,
Sen maňa dözmediň, uýam.

“Söýme — diýdiň — ol bir nadan,
Az däldir ýagşy päl adam”
Men — yşkyň ýolunda ýadan...
Kimdedir ýazgydym, uýam?!

Ýasyny tutup bir ýaryň,
Barha agyrlaşdy halym.
Enemden soň geler ýolum
Diňe sen gözlediň, uýam.

Dursa-da ýüregiň syzlap,
Enemden beter ezizläp,
Ejizletmediň.
Ejizläp,
ýakaňy ezmediň, uýam.

Gursakda kalbym kän joşdy,
Gözläp başga tüýsli yşky.
Saňa şu wagta çen goşgy,
Bagyşla, ýazmadym, uýam!

14.01.2024ý.    22:55.   Aşgabat.


✏Uzuk NOWRUZOWA

File engine/modules/thanks.php not found.