Mydam geçmiş boldy onuň gözlegi,
Ol geçmişi ýer teýinden gözledi
Gazyp-agtaryşlar gitmedi yrýa
Ýykyk şäher gadymýetden sözledi:

Gündogaryň jadylaýjy sazyna
Serhoş bolup tagtda irkilýär Soltan,
Hüýr-melekler kebelek deý pyrlanyp,
Ortada asmana pürkülýär fontan,

Köşgüň aşagynda titreýär zyndan
Bendileriň ahy-nalalaryndan,
Olar mahrum bolan balalaryndan,
Olar jyda düşen lälerinden

Lowurdaýar tylla köşgüň gümmezi
Kerwen gelýär jaň sesini seçeläp,
Süýtsiz göwse başyn goýup çagalar
Aglaýarlar ellerinde ejeleň

Şäheriň içinde eňreýär durmuş,
Boş torbany miras goýup gedaýa,
Naýynjar ýaňlanar aznyň sesi
Öz gününe alkyş okap Hudaýa.

Arheolog işledikçe ony der basdy,
Çydamady ahyn diňläp geçmişiň,
Gazýan çukuryndan ol böküp çykdy,
Aşagynda galan ýale etmişiň.

Ýöne onda ahy nala galmady,
Ony kowalady eýewan çöller
Hüýt gara çukurlar oýulan göz deý
Hany sen olardan gutuljak bolda