Salam, eziz Agzalar!
Ýadyňyzda bolsa, 10 sany uly ýaşly agzalaryň arasynda kiçiräjik ýaryş gurnamakçy diýipdim. Bilşiňiz ýaly, saýtda uly ýaşly gadyrly, hormatlanýan akylly agzalarymyz kän. Emma şolaryň arasyndanam 10 sany agzany saýlap almaly boldy. Menem saýladym. Bu gezek şu 10 agza, indiki gezeklerde beýlekiler bilen dowam ederis, nesip bolsa.

Ol agzalar:

Oksimiron;
Pegas;
Dark_Wolf;
Hiayress;
Bayker;
Soho;
Remezan;
Granger;
Gumly gelin;
Esma.

Ine, şularyň aglabasy — galamkeşler.
Ýaryşyň maksady: sorag-jogap alyşmak, öz zehinimizi kämilleşdirmek.

Ýaryşyň şertleri ýönekeýje. Olar:
10 sany agza öz aralarynda 2 topara bölünmeli. Her topar 5 agzadan ybarat. Her agza 2 sany, jemi 20 sorag taýýarlamaly. Ol soraglar islendik ugurdan bolup biler. Şeýlelik bilen her toparyň 10 sany soragy bolýar. Soraglaryňyzy ertir irdene çenli jogaplary bilen bilelikde ugratmaly. Bellenilen gün, bellenilen wagtda şol 10 agza ulgamda bolmaly. Ilki bilen A topar (toparyňyza özüňiz at berip bilersiňiz) B topara taýýarlan 10 soragyny berýär (Bulary men paýlaşaryn). B topar belli bir wagtyň dowamynda şol soraglara jogap berjek bolmaly. Edil şolar ýaly, B toparam A topara soraglaryny hödürlär, olaram jogap bermäge synanyşmaly. Ahyrynda haýsy topar köp soraga dogry jogap beren bolsa, şol topar ýeňiji bolar we baýrak bilen sylaglanarlar.
Göwnümi ýykman, gatnaşmaga razy bolanyňyz üçin ähliňize öňünden minnetdar!

Ýaryşyň senesini, wagtyny toparlar we soraglar belli bolanyndan soň habar bererin. Siziň teklip etjek günüňiz, sagadyňyz bar bolsa aýdyp bilersiňiz.
Ählimizem gündiz işli bolýandyrys diýip pikir edýän. Şoň üçin agşam geçirilmek ähtimallygy uly.

Mümkin bolsa, öz toparyňyzy özüňiz döredäýiň ylalaşyp. Baryňyzam güýçli agzalar :)

File engine/modules/thanks.php not found.