Hyýaly dünýäme nur saçan aýym,
Ýykmaga gorkupdym seň göwün raýyň,
Söýgi saçagyndan düşenje paýym,
Daşyndan guwanmak uzakdan söýmek.

Seni diňläp maňa ýetmedi nobat,
Ýogsam biz ikiçäk kän geldik gabat,
Galdyrmaz adamda ne güýç ne gurbat,
Daşyndan guwanmak uzakdan söýmek,

Içimdäki duýgym bilmmedim aýdyp,
Isledim bir güni gelerňi gaýdyp,
Gezdim bir salgyma bagtymdyr öýdüp,
Daşyndan guwanyp uzakdan söýüp.

Gatnaşyk geçmedi dostlukdan aňry,
Gursakda göterdim söýgümiň gabryn,
Ygtyýarym aldy guratdy sabrym,
Daşyndan guwanmak uzakdan söýmek.

Özüňden bilibem duýmadyň derdim,
Duýgulam sen diýe seslendi herdem,
Başyňa düşdümi göreşgin merdem,
Daşyndan guwanmak uzakdan söýmek.

Bir taraply söýgi ýalňyz ýöremek,
Gelmejegni bilip ýola garamak,
Kiçijik umydyň yzyndan barmak,
Daşyndan guwanmak uzakdan söýmek.

Öz ýoluma özüm gazsamda çukur,
Kalbymyň sesine bolmadym müňkür,
Dünýämde baryňa edipdim şükür,
Daşyňdan guwanyp uzakdan söýüp.

Bagtyňy bagtymdan görüpdim üstün,
Bile bolmakdada bolmady kastym,
Bolmaga taýyn men bir ömür dostuň,
Daşyňdan guwanyp uzakdan söýüp.

Süleýman Tekäýew

File engine/modules/thanks.php not found.