Täze ýyl baýramçylygy çagalar üçin sowgat baýramçylygydyr. Bu ajaýyp baýramçylykda çagalaryň arzyly Aýazbabadan, öz ene-adalaryndan,deň-duşlarydyr dostlaryndan gutlag,sowgat almaýany, megerem ýok bolsa gerek.
* * *
Amerikanyň Birleşen Ştatlarynyň ilkinji çykaran şaýysy kümüş dollar bolupdyr. Ol 1794-nji ýylda döredilipdir.
* * *
Günorta-Hytaý deňziniň tutýan meýdany 2 974 600 kwadrat kilometrdir.
* * *
Dünýäde ösümlikleriň takmynan 500 müň görnüşi bar.
* * *
Täze ýyl arçasyny zerli jäjekler, ýalpyldawuk oýnawaçlar, lowurdaýan çyrajyklar bilen bezemek indi tutuş dünýä halklarynyň hemmesine diýen ýaly mahsus. Çünki ähli halklarda hem çagalar-ýaş nesil söýülýär, gowy görülýär. Çagalar bolsa owadan, ýalpyldaýan, lowurdaýan, özüne çekiji gözellikleri halaýarlar.
* * *
Täze ýyl baýramçylygy dünýäniň ähli halklarynda diýen ýaly maşgala baýramçylygy hasaplanylýar. Şonuň üçin hem Täze ýyl gijesi-ýyl çalşygynda maşgala agzalarynyň hemmesi maşgala saçagynyň başynda, öz öý-ojaklarynda bolmaga çalyşýarlar.
* * *
2738-nji ýylyň Noýabr aýynyň 28-inde biziň eýýamymyzyň millionynjy güni belleniler.
* * *
Perunyň paýtagty okeanyň ýakasyndaky gurak çöllükde ýerleşýär. Bu ýerde ýagyş ýagmaýar diýen ýaly. Paýtagta bir ýylda 37 millimetr ýagyn ýagýar.
* * *
Ýewropada iň ýelli ýer Şotlandiýadyr. Bu ýerde Ýewropanyň ähli ýel güýç serişdeleriniň 25 göterimi jemlenendir.
* * *
70 kilogram agramdaky adamyň bedeninde 150-180 gram nahar duzy bar.
* * *
Adam bir ýylda ortaça 84 million sapar gözüni gyrpýar.

File engine/modules/thanks.php not found.